The Next Day | ||||
---|---|---|---|---|
Álbum de David Bowie | ||||
Publicado | 8 de marzo do 2013 | |||
Estudio(s) | The Magic Shop, New York City | |||
Duración | 53:14 | |||
Xénero(s) | Rock | |||
Selo(s) | ISO, Columbia | |||
Producido por | Tony Visconti | |||
Cronoloxía | ||||
| ||||
The Next Day é o vixésimo cuarto álbum de estudio do músico inglés David Bowie, publicado o día 8 de marzo do 2013 a través do propio selo de Bowie ISO Records, baixo licenza exclusiva para Columbia Records. O disco anunciouse inesperadamente o día do 66 aniversario de Bowie, o 8 de xaneiro do 2013. A páxina do artista foi actualizada co vídeo para o sinxelo principal, "Where Are We Now?", e este inmediatamente foi posto á venda na iTunes Store.
É o primeiro álbum con material novo de Bowie en dez anos, dende o Reality do ano 2003, e sorprendeu aos seareiros e aos medios que crían que estaba retirado[1]. O disco foi posto en stream a través de iTunes días antes do seu lanzamento oficial[2]. O álbum foi recibido pola aclamación da crítica e fíxolle gañar a Bowie o seu primeiro número 1 no Reino Unido dende o Black Tie White Noise de 1993.